愛情不是找個永不爭執的人
是找個用力嗌一百次交 然後用心同您和好一百次的人
-----------------------------------------------------
每次同麥仔去完旅行
身邊都會有朋友問：點呀有無鬧交呀
我唔知大家抱住食花生既態度定關心
情侶去旅行 比起關心佢地夜晚喺酒店發生咩事
旁人其次就會最關心佢地旅程中有無嗌交
我會話：有。喺香港都有啦旅行嗌又有乜出奇
麥仔應該會答：無嗌交 不過您有發我脾氣囉。
um... 鬧交同發脾氣既界線真係模糊
不過我都係會話我地岩岩果次旅行有嗌交既
至於嗌左啲咩 其實都唔知
大概係我覺得佢態度好差但佢又覺得我態度差先
總之食食下飯忽然唔再講野唔再對話
直到番到去訓覺。
其實好小事
不過情侶嗌交就係咁小事。
最後都係麥仔主動走來示好同我和好
然後我地心平氣和傾番講番自己角度既野
就無事嚕。
就係咁嗌左一場唔知做乜既交
嗯其實愛情不是找個永不爭執的人
是找個用力嗌一百次交 然後用心同您和好一百次的人
/
喺我地面左左番酒店既路上
雖然麥仔覺得係我態度差先仲嬲佢
我fing開佢唔鬼畀佢拖我
但沿途佢都捉鬼實我拖住我行
無走左去無自己行無由得我衝走
我最欣賞麥仔呢點
鬧交生氣既時候都唔會變臉
所以都令我唔會變臉
之前講過啦：
「一個人有多疼您，不是看他平時對您有幾好，
而是在吵架時，他會怎樣對您。」
正面的吵架是可以增進感情和了解
我深信。
Search